Ang Visayas Mindanao Society in British Columbia o BISDAK-Bisayang Daku pormal nga namugna ning miaging Pebrero
20, 2004 sa Kingsway Restaruant. Ang kahogponga natukod human ang malamposong Christmas party nga gipahigayon sa ........nga
gituambungan sa dul-an sa usa ka gatos ka malipayong BISDAK.
Sukad ning Pebrero, kada-buwan nga nagtagbo ang mga BISDAK sa Vancouver aron maghiusa sa pagsaulog sa adlawng natawhan
sa mga miyembro nga nagsaulog niini sa tibuok bulan.
Nakapahigayon na usab kita ug usa ka picnic party sa Trout Lake ning miaging Agosto. Plano sa atong Presidente nga mopahigayon
ug malampsong Sinulog Festival karong umaabot nga Enero alang sa patron sa Sugbo nga si Sr. Sto Nino.
Tumong niining organisasyon nga mabaniog ang pinulungang Cebuano dinhi sa Vancouver, nga hagntod karon wala pa gayud
mailhi sa mga Canadian. Kini bisan pa nga ang atong linggwahe maoy ika-61 ka labing-daku nga linggwahe sa tibuok kalibutan.
Ang Cebuano nag-inusarang linggwahe sa Pilipinas nga adunay dakung komunidad gikan Region 4-A hangtod na sa Region 12
apil na ang Caraga Region.
